Nassiussat akikillipput

Uuliamut tapi aamma nunat allat aningaasaasa nikerartarnerannut iluarsiissut 8 %-imut apparnissaa pissutigalugu qaammatini marlunni tulliuttuni nassiussat akii nunatsinniit, nunatsinnut nunattalu iluani akikinnerulissapput.
Allattoq Jaaku Lyberth
februaarip 26-at 2009 06:27

Marsip aallaqqaataanit Royal Arctic Line A/S-ip uuliamut tapi aamma nunat allat aningaasaasa nikerartarnerannut iluarsiissut 12 procentimiit 8 procentimut appartissavaa. Patsisaavoq decembarip januaarillu qaammataani uuliap akiata pitsaasumik inissisimanera. Aappassanik uuliamut tapi aamma nunat allat aningaasaasa nikerartarneranut iluarsiissut appartinneqarpoq.

Ukiup kingulliup naajartornerani uuliamut tapi aamma nunat allat aningaasaasa nikerartarnerannut iluarsiissut 19 procentiusimavoq. Royal Arctic Line-ip ukiumut arfinileriarluni uuliamut tapi aamma nunat allat aningaasaasa nikerartarnerannut iluarsiissut naleqqussartarpaa. Ineqarnermut Attaveqarnermut Avatangiisinullu Naalakkersuisup, Kim Kielsen-ip tapit iluarsiiffigineqarnissaat akuerivai, taamattumik marsip aallaqqaataaniit 2009 apriilip naggataa 2009 ilanngullugu nassiussat akii nunatsiniit, nunatsinnut nunattalu iluani 8 procentimik ilassuteqartassapput.