Nassitsinermut akit siunissami qaffaqqissapput
Nuup umiarsualiviata allilernissaa immaqa siunissami ungasinnerusumi aatsaat pisinnaavoq tassami umiarsualiviup siunissaa pillugu naalakkersuisut suli aalajangerniaasaarput. Ataasinng0rmat kingullermilli naalakkersuisut nalunaarput qanittumi nutaarsiassaqarumaartoq. Qanittoq qanoq sivisutiginersoq apeqqutaaginnarumaarpoq.
Tyskit umiarsualiorfiat P+S Werftenip aningaasatigut ajornartorsiornera Danmarkip nunattalu akornanni nassiussanik assartuinermut sunniuppoq. Umiarsuaq angisooq Royal Arctic Linep sanatitaa eqqorneqarpoq, umiarsuit mikinerit taassuma taarsertussaagaluarmagit. Umiarsuarnik amigaateqarneq pissutigalugu RAL nunat allamiut umiarsuaataannik attartortariaqarsimavoq. Umiarsuilli nunatta imartaani assartuinissamut naleqquttut amerlagisassaanngillat. Kiisamilu nassaartoqarmat assartuileraluartoq Vega Saggittarius Nuup avataani ikkarlippoq.
Nassiussalli aasaanerani assartugassat amerliartornerat najoqqutarissagaanni umiarsuarnik attartortarnissaq avaqqukkuminaappoq, umiarsuit attartukkat amerlinerat aningaasartuutit amerlinerannik kinguneqassaaq. Umiarsuimmi aalajangersimasumik angissusillit Nuup umiarsualivianut naleqquttuupput, taamalu akinut qaffassaaqataallutik. Umiarsuavilli angisooq nutaaq atulerpat umiarsuit ikinnerusut pisariaqartinneqalerpata aningaasartuutinut apparsaataassasoq ilimagineqarpoq.
