Nasaasaami aput sisoormat angutit pingasut matoorussaasut

Angutit arlallit ippassaq qamuteralatsillutik misigisaqarnerlupput: Sisimiut kujataani Nasaasaamiit ammukartillutik apummik sisoorfigitikkamik tupassimaqaat.

Upalungaarsimanermut pisortaq Ole Kreutzmann KNR-imut taama oqaluttuarpoq.

- Qamuteralattartut klubbianniit inuit 25-t Nasaasaamiit ammukaartillugit aput sisuulerpoq. Ataaseq matoorussaangajappoq, allat marluk morsutiivillutik matoorussaallutik, Ole Kreutzmann oqarpoq.

Taassuma oqarnera naapertorlugu qamuteralattoqatigiit taakku apummik sisoortoqartillugu qanoq iliornissaminnik pikkorissareersimasuusut, taamaammallu inuit matoorussaasut nassaarilertorlugit annaatilertorsinnaasimavaat. Taamaammat ajoquseruluttoqanngilaq.

Nasaasaami aput suli sisoorsinnaavoq, taamaammat Ole Kreutzmann aarlerisaarivoq qamuteralattartullu mianersortanissaannik kaammattorlugit.

- Maassakkut aputit ikiariiaat assigiinngitsut sisamaapput, taamaattumillu sisoortoqaqqinnissaa aarlerinaateqartorujussuuvoq, taanna oqarpoq.