Sermip aakkiartornera NASA-mit misissuiffigineqartoq
Amerikamiut avataarsuanik misissuisoqarfiata NASA-p suliniutaani annertuumi Nunatsinni sermip aakkiartornerata sukkassusia misissuiffigineqarpoq. Paasisanillu nutaanik tamanna kinguneqareersoq, aviisip Jyllands-Postenip allaaseraa.
![](/sites/default/files/styles/image_934x467/public/article_images/omg-photo.png?itok=gnIFd1aV)
Allattoq Helle Nørrelund Sørensen
Nutserisoq Simon Uldum -
Immap naqqani qooqqinerit itisuut Atlantikup imartaanit immap kiannerusup Nunatsinni kangerlunnut nillernerusunut ingerlaartitsisartut sermillu iigartartut ataasigut aakkiartortitsisartut immap naqqata assiliornerini nutaani paasineqarput.
![Kilde: Oceans Melting Greenland](/sites/default/files/styles/image_934x467/public/omg-ship-airgrav.gif?itok=5LfmWZBV)
Kilde: Oceans Melting Greenland
- Qooqqinerit ilaat naatsorsuutigisatsinnit itinerusupilussuupput. Aamma kangerluit ilarpassuini itissutsimik uuttortaanerit eqqortuunngillat, suliniummi suleqataasoq, professor René Forsberg DTU SPACE-meersoq taama oqarpoq.
Nunatta sineriaa kilometerit 43.500-t missaannik isorartutigisoq tamakkerlugu ukiut marluk ingerlanerini misissuiffigineqarpoq.
Suliniut pineqartoq Oceans Melting Greenlandimik taaguuteqarpoq, naalisarlugu OMG.