NASA-p toqqorsivii paasisassarsiorfigikkit
Amerikamiut avataarsuanik misissuisoqarfiat NASA toqqorsivimmik nutaamik pilersitseqqammerpoq, taannalu videonik, assinik nipinillu 140.000-init amerlanerusunik ukiuni qulikkuutaani arlalinni katersorneqarsimasunik imaqarpoq, internettikkullu kikkunnilluunniit maanna paasisassarsiorfigineqarsinnaalluni.
Nittartagaq ARS Technica taama allaaserisaqarpoq.
NASA-p immikkoortortaqarfiini assigiinngitsuni 100-ni Sorsunnersuup Aappaata nalaanit ullumikkumut katersanik imaqarpoq, rakettinillu aallartitsinerit avataarsuanilu angalanerit siulliit assilineqarneri ilaatigut tassani takuneqarsinnaallutik.
Toqqorsivilli "avataarsuarmiunik" ujarlerfigigaluaratsigu pissanganartunik nassaarfiunngilaq.
NASA-p toqqorsivianut ingerlaqqiffissaq aajuna.