Qaqortumi mittarfissuassaq naammassineqarpat, Narsarsuup mittarfissua siunissami heliportitut atulertussaavoq. Narsarsuarli siunissamut pilersaaruteqarpoq.Assi: Kristiansen Lars

Narsarsuup akunnittarfia aningaasanoortarfittut parnaarussivittulluunniit atorneqarsinnaasoq

Narsarsuami akunnittarfiup parnaarussivittut isumannaallisakkatut atulernissaa, aningaasanoortarfittut, nunaateqarnermut højskolertarfittut ilaatigut siunnersuutigineqarpoq.

Narsarsuup siunissaa qanoq ineriartortinneqarsinnaanersoq Kommune Kujallermi ingerlatsiviup assigiinngitsunik siunnersuusiorfigaa.

Nuummi Ilulissanilu mittarfissuassat atulerpata nunaqarfiup suliffissaarunnissaa tikittussaarunnissaalu siunissami nalorninartorsiortitsivoq.

Naalakkersuisut isumaqatigiissummik atsioqatigiinneratigut Kangerlussuup mittarfittut atuunnarnissaa sapaatip akunnerani siuliani qulakkeerneqarpoq.

Isumaqatigiissummi ilaatigut allaqqavoq Kangerlussuup mittarfiata aserfallatsaaliorneqarnissaa illersornissamut ministereqarfiup aningaasalersussagaa.

Narsarsuup siunissaa maanna nalorninartuimik inissisimavoq.

AAMMA ATUARUK Narsarsuarmiunut qularnaveeqqusiinngilaq: Naalakkersuisut aalajangiissapput

Qaqortumi mittarfissuassaq naammassineqarpat, Narsarsuup mittarfissua siunissami heliportitut atulertussaavoq.

Kommune Kujallermi kommunalbestyrelsi sapaatip akunnerata siuliani ataatsimiimmat Narsarsuup siunissaa pillugu Naalakkersuisunut kissaatit suut apuunneqassanersut oqaluuserineqartut ilagaat.

Qaqortumi mittarfissap sananeqareernerata kingorna Narsarsuup mittarfissuartut suli ukiuni tallimani atorallarnissaa Kommunip kissaataasa annerpaartarigaat, Kommune Kujallermi borgmesteri Kiista P. Isaksen oqarpoq.

AAMMA ATUARUK Kielsenip ammaanermi oqalugiarnerani pingaarnerit pingasut ukuupput

Qaqortumi mittarfeqalerpat Narsarsuarmullu taama qanitsigisoq mittarfissuup atuutiinnarnissaa qanoq piviusorsiortiginersoq apeqqutigaarput.

- Tassami sunaluunniit misissorneqartussaavoq. Aamma misileraanerup nalaanni takusassat, pissutsit assigiinngitsut qulaajarneqarnissaanni qularnaarneqartariaqaramik. Sunaluunniit aamma ilanngullugu misissoqqissaarneqarnissaa kommunalbestyrelsip kissaatigimmagu, taamaalillunga apuutissavakka Naalakkersuisunut. Borgmesteri oqarpoq.

Siunnersuutinik allattorsimasut ilagaat Narsarsuarmi akunnittarfiup siunissami pinerluuteqarsimasunut inissiisarfittut atorneqalernissaa.

Kommunalbestyrelsit ataatsimiinneranni Kommune kujallermi aqqutsiveqarfimmit ilaatigut Narsarsuarmi aningaasanoortarfimmik nunaateqarnermullu ilinniarfimmik pilersitsisoqarnissamik siunnersuuteqarlutik allapput.

Narsarsuarmi innuttaasut 150-it missanniipput.

AAMMA ATUARUK Air Greenlandip Kangerlussuarmiit nunanut allanut angallassisarnissi ilimaginngilaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat