Narsarsuarmi silap ajornera ajornartorsiortitsivoq

Air Greenlandip Jettime atorlugu Københavinimiit Narsarsuarmut timmisartumik angallassinera allanngortariaqarsimavoq, Narsarsuarmi pujoq peqqutaalluni. Taamaattumik ullumikkut timmisartoq Københavnimiit Kangerlussuarmut mittariaqalersimalluni. Ajoraluartumik ilaasugut nunatta kujataani Danmarkimilu angalasut eqqorneqarput. Narsarsuarmi sila qanittumi qatsornissaa ilimagineqanngilaq, taamaattumillu Jettime Kangerlussuarminngaanniit Københavnimut toqqaannaq angalasussanngorluni.
Allattoq Nutaarsiassaqartitsivik / Nyhedsredaktionen
juulip 09-at 2013 10:34

Ullumikkut angalasut 16-it Københavniliartussat Paamiuniit Kangerlussualiaanneqassapput. Ajoraluartumillu ullumikkut ilaasussaraluit 76-it nunatta kujataaninngaanniit Danmarkimut apuuttussat angallanneqarsinnaajunnaarput. Sila apeqqutaalluni angalasussat taakkua aqagu Danmarkimut angallanneqarumaarput Kangerlussuaq aqqutigalugu, Air Greenland Dash 8 atorlugu angalasinnaajumaarmat. Ilaasussat sinneri Narsarsuarmiit Københavnimut sisamanngorpat angallakkumaarpagut. Paamiuliartussallu imaluunniit Paamiuniit aallartussat utaqqitinneqartariaqarput.

Ilaasussat 118-it ullumikkut Københavnimiit nunatta kujataanukartut, kujammut ingerlanneqarumaarput ullumi aqaguluunniit sila apeqqutaalluni. Imaassinnaasoq angalasut ilai Nuummut angallanneqaqqaartariaqarumaartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq