Narsarsuup mittarfia siunissani qanoq atorneqarniarnersoq innuttaasut naluaat.

Narsarsuarmi innuttaasut ernumapput

Qaqortumi mittarfiliortoqarpat Narsarsuup suliffeqarfiisa annersaat, mittarfik, qanoq pineqassanersoq innuttaasunit ernummatigineqarpoq. Naalakkersuisulli nipangersimapput.

- Maannamut oqaatigiinnartigu paasitinneqarpugut 19-inik ilaasoqarsinnaasoq annerpaamik Narsarsuarmimissinnaasoq, taavalu silaannakkut sillimaniarnikkut, ajutuulernikkut sillimaniarfittut inissisimassasoq. Annertunerusumik suli paasisaqarnikunnggilagut, Narsarsuup nunaqarfiata aqutsisuani siulittaasoq Mouritz Karlsen KNR-imut oqarpoq. 

Qaqortumi mittarfiliortoqassappatNarsarsuup mittarfia qanoq piniarneqarnersoq paasissutissanik taanna ujartuivoq.

- Soorunami nalornineq pigivaat. Nalunngilarput Qaqortumi mittarfik sananeqartussanngortoq, taava annikilliliiniarneq erseqqissumik naqissuserneqarnissaa, taavalu siunissami qanoq inissisimanissaq qulakkeerusuppaat paaserusullugu, Mouritz Karlsen oqarpoq.

Attaveqaqatigiinnermut Naalakkersuisoq, Knud Kristiansen KNR-imiit arlaleriarlugu saaffigigaluarparput iluatsinnaguli. Attaveqaqatigiinnermulli naalakkersuisoqarfimmi attaveqaqatigiinnermut immikkoortortami pisortaq,  Andreas Østbirk, e-mailikkut ima allappoq:

- Narsarsuup matuneqarnissaanik Naalakkersuisut pilersaaruteqanngillat. Narsarsuarmut Narsarsuarmiillu siunissami timmisartoqartarnissaa naapertorlugu, mittarfik tamassumunnga naleqquttumik  ingerlanneqatuassaaq. Allatut oqaatigalugu - Narsarsuarmi mittarfik piujuassaaq, naak siunissami attaveqaqatigiinneq ataatsimut isigalugu ullumikkuminngaannit allaanerusumik inissisimanissaa naatsorsuutigisariaqaraluartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat