Colibakteriamik nassaartoqartoq: Narsarsuarmi imermik qalatitsisoqassaaq

Narsarsuarmi innuttaasut imermik imissagunik qalatitseqqaarnissaat, oqartussanit innersuussutigineqarpoq.

Allattoq Paarnannguaq Nielsen

juunip 17-at 2025 12:25

Narsarsuarmi imeq annertuumik colibakteriaqarneranik nassaarfigineqarpoq. Imerlu imerneqartussaq qalatinneqaqaarnissaa oqartussanit innersuussutigineqarpoq.

Imeq qalatinneqaqqaanngikkuni peqqissutsimut ajoqutaasinnaasoq.

Avatangiisinut, Pinngortitamullu Naalakkersuisoqarfik tusagassiutinut nalunaarummi allappoq.

- Najugaqartut peqqissusaat isumannaarumallugu oqartussat imermik qalatitseqqaarnissaq innersuuppaat, maannakkumiit atuutilersumik, tusagassiutinut nalunaarummi allaqqavoq.

Qanoq iliussavit

Imeq imerneqartussaq qalatseqqaaruk Imeq imerneqartinnagu, nerisassiunnginnermi, meeqqanut inuussutissatigut atorneqartinnagu imaluunniit kigutigissannginnermi minnerpaamik minutsimi ataatsimi qalaanneqaqqaassaaq.
Imermik qalaasseqqaarneq ukununnga atortinnagu: Imertinnagu, nerisassiornermut, naatsitanut errortuinnginnermi, erruinnginnermi, nillorusiunnginnermi aamma ikernik saliinnginnermi.
Imeq qalaateqqaarnissaa ukununnga pisariaqanngilaq: Uffarnermi, assat errortornerani aamma eqqiaanermi, kisianni taakkunani suliaqarnermi imernissaq pinaveersaaruk.

Aallerfik: Naalakkersuisut

Ajornartorsiut tamanna iluarsiniarlugu Nukissiorfiit piaarnerpaamik suliaqartut, oqartussallu qanoq pisoqarneranik najugaqartunut paasissutisseeqqikkumaarlutik, Avatangiisinut Pinngortitamullu Naalakkersuisoqarfik paasissutissiivoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.