Narsarsuarmi angut inuusuttoq arnamik 62-inik ukiulimmik toqutsisimasutut pasineqartoq tigusaasoq
Arnaq 62-inik ukiulik arfininngornermi ullaassakkut toquvoq. Angut inuusuttoq 18-inik ukuilik toqutsisimasutut pasineqarpoq.
Angut 18-inik ukiulik arnamik toqutsisimasutut allamillu toqutseriarsimasutut pasineqarluni politiinit tigusaavoq. Inatsit tunngaviusoq naapertorlugu arfininngornermi killisiorneqassaaq. Assi toqqorsivimmit.
Allattoq Anne Meisner Synnestvedt
marsip 14-at 2020 16:21
Nutserisoq Ivik Kristiansen
Angut 18-inik ukiulik arnamik toqutsisimasutut allamillu toqutseriarsimasutut pasineqarluni politiinit tigusaavoq.
Kalaallit Nunaata politiivi tusagassiuutinut taama nalunaaruteqarput.
Inuit marluk nakuuserfigineqarsimallutik ajoquserujussuarsimasut pillugu nalunaartoqarmat, politiit Narsarsuarmi angerlarsimaffimmut arfininngornermi ullaassakkut ornigupput.
Arnaq 62-inik ukiulik kingusinnerusukkut toquvoq, arnarlu 45-nik ukiulik Qaqortup napparsimmaviani unitsitaavoq isumannarunnaarsimallunilu.
Angut inuusuttoq pasineqartoq inatsit tunngaviusoq naapertorlugu ullumi kingusinnerusukkut killisiorneqassaaq.
