Narsarmiut kuultinnalluarput

Siunissamut isumalluarfigineqaqisoq Nuka Mark Nielsen Narsami Arsarnerneersoq kujataani pissartanngorniunnermi Narsami takutitsilluarpoq. Unammisartoq taanna inuusuttunnguaq arfinilinnik kultinnappoq.

Nuka Mark Nielsen U-15-ini aamma U-17-ini unammeqataavoq taakkunanilu angutit ataasiakkaarneranni, angutit iligiiaarneranni kiisalu arnat angutillu akuleriillutik iligiiaarneranni kuultinnappoq. Taamatuttaaq pivoq Cecelie Josefsen Narsami Arsarnerneersoq U-15-ini U-16-inilu unammeqataanermini arfinilinnik kuultinnattoq.

Cecelie Josefsen inersimasuni aamma unammeqataavoq finale-mili Nina Høegh Møller Tennisklubben Qaqortumeersoq 21-15, 21-14-mik ajorsarfigalugu. Nina Høegh Møller aamma Cecelie Josefsen Arctic Winter Gamesimi unammeqataassapput.

Nuka Mark Nielsen aamma inersimasuni unammeqataavoq semifinale-lu angugaluarlugu. Tassani Nikke E. Nathansen Tennisklubben Qaqortumeersoq semifinalemi ajorsarfigaa. Nikke E. Nathansen aamma Arctic Winter Games-imut peqataasussaq angutit ataasiakkaarneranni ajugaavoq klubbeqatini Inunnguaq Enoksen finalemi ajugaaffigalugu 21-15, 21-14-mik

Linki ataaniittooq toorlugu angusat tamakkiisut takusinnaavatit.