Narsap kommunia kommunit nakkutilliisoqarfianit misissuiffigineqartariaqanngilaq
Narsami borgmester Kista P Isaksen-ip ingerlatsinera kommunimilu ingerlatsineq paatsiveerukkaluttuinnarnerarlugu, Narsap kommuniani illuatungiliuttut sinnerlugit IA-p ilaasortaatitaa Niels Egede ippassaq ulloqeqqanut radioaviisimi oqariartuuteqaraluarpoq.
Ilaatigut uparuartorneqarpoq Narsap kommuniani kommunaldirektøritut inissisimagaluartup Ole Mølgård Motzfeldt-ip kujataani kommunit kattunnissaanut ataqatigiisaarisunngornerata kinguneranik Narsap komuuniani immikkoortortaqarfinni assigiingitsuni pisortaagallartunik atorfinitsitaqarsimaneq.
-Atorfinitsitsisarnerit kommunit namminneerlutik isumagisassarimmatigit, uagut akuliuttussaangilagut, kommunillu allat assigalugit Narsap kommuniata ingerlatsinera komuuneqarfiit nakkutilliisoqarfianit malinnaaffigineqartuaanarpoq.
-Maannamut takussutissaqanngilaq pissutissaqarnanilu Narsap kommuniata kommuneqarfiit nakkutilliisoqarfianit misissuiffuigineqarnissaa, kommuneqarfiit nakkutilliisoqarfiani siulittaasoq, Naalakkersuisut siulittaasuat Hans Enoksen erseqqissaavoq.