Narsami unnulaaginnartoq pornonik isiginnaarsinnaaneq

Narsami TV-kkut isiginnaartartut kanalinik siammarterisup namminersortup Greensatip siammarterissutaa atorlugu, kanalinik nunanit allaneersunik isiginnaartartut unnulaaginnartoq, meeqqalluuunniit suli innartinneqanngitsut nalunaaqutaaq arfineq pingasuniit atoqatigiittunik pornonik kanaalit ilaanni isiginnaagassiaqartinneqartarnerat, nunatsinni radioqarnermut TV-qarnermut ataatsimiititaliap ajornartorsiutaasutut akuerineqarsinnaanngitsutullu nalilerpaa.

Ataatsimiititaliaq taamaattumik isumaqarpoq Greensatip kanalinik allanik siammarterinini nunatta nalunaaqutaanut naleqqussartariaqaraa, ataatsimiititaliami siulittaasoq Ivalu Egede oqarpoq.

Nunatsinni unnulaaginnartoq pornonik kanalit ilaanni isiginnaartoqarsinnaaneranut tunngasumik inatsiseqanngilaq, tamannalu pissutigalugu radioqarnermut TV-qarnermullu ataatsimiititaliamit neriuutigineqarpoq kanalinik siammarterisup Greensat-ip paasinnilluni siammarterinini nunatta nalunaaaqutaanut naleqqussarumaaraa.