Arnat Ulluat Narsami arnanuinnaq malunnartinniarneqassaaq. Aaqqissueqataasoq Theo Kruse oqarpoq, arnat katersortarfimmi unnugu pisarnertut katerisimaartinneqassasut.
- Narsami arnat siorna 135- it takkupput. Arnat sanalukkaminnik, lagkagiliaminnik, boorluliaminnik nuannaarnermillu nassarlutik takkuttarput, Theo Kruse oqarpoq.
Unnuup ingerlanerani Utoqqaat illuarmiut arnat eqaarsaartartut ”Arpalikaat” takutitsissapput. Arnat isiginnaartitsisartut ”Smukke”-kkut aamma isiginnaartitissapput. Lagkagiliullammak borluliullammallu toqqarneqassapput. Naggataagullu Arnatsialammik isersimasut toqqaassapput.