Narsami Royal Greenland-ip raajaleriffia matummat inuit 40-t suliffissaaleqilerneranik kinguneqarpoq. Aaqqiissutaasussamilli takkuttoqalersoq, Naalakkersuisoq Siverth K Heilmann oqarpoq.
- Borgemesteriunerma nalaani misilittagaqarfigaara taamatut pisoqartillugu kommunit sumiginnangaasarneri. Taamaammat Narsap kommuniata tapersersorneqarnissaa sulissutigilerpaa.
Piffissami kingullermi Narsap kommunia suliffeqarfiillu ataatsimeeqatigisarsimavai.
Tamannalu kinguneqarpoq, maannakkut inuussutissalerinermut ilinniarfik Inuili Neqi A/S suleqatigalugu, neqissaqarniarnikkut inuussutissalerinermut tunngasunik pikkorissaanernik ingerlatsisussanngormata.
Pikkorissaaneq siulleq aggustip aallaqqaataani ingerlanneqassaaq. Sivisunerusorlu eqqarsaatigalugu kusanartunik nerisassiortarnermik ilinniarfimmik pilersitsinissaq imaassinnaasoq pilersinneqartoq oqaatigineqarpoq.
Aaliangersimasumik atorfinitsitsinerit aamma Neqi A/S-imit ukioq nutaaq aallartippat ingerlanneqassamaarput, tassani inuit 20-t atorfinivitsinneqassapput, taama fabrik-imi pisortaq Henning Sønderup oqarpoq.