Narsami savilersortoqarnerani angut ikilerneqarpoq
Arnap 38-inik ukiullip angutaanni 43-inik ukiliuk ippassaq unnukkut savimmik sakkoqarluni saassuppaa naavatigullu arlaleriarlugu kaporlugu.
Savilersorneq Narsami ullaassaq pingasut eqqaani pivoq. Aappariit imertillutik oqqatileramik arnap aappi saassussimavaa, Narsami politiassistenti, Peter Møller Sørensen taama nalunaaruteqarpoq.
Angut nammineerluni napparsimmavimmukarpoq, napparsimmavimmilu sulisut politiinut pisimasumik nalunaarutiginnittuupput.
Angutip inuunera ulorianartorsiunngilaq, pilanneqartariaqarporli. Massakkorpiaq Nuummi Dronning Ingridip Napparsimmavissuanukaanneqarnissani utaqqivaa.
Arnaq toqutseriarsimasutut pasineqarluni tigummigallagaavoq. Massakkorpiaq Narsami eqqartuussisoqanngimmat politiit Qaqortumit eqqartuussisup tikinnissaa utaqqivaat.
