Narsami raajaleriffik matuvoq
Narsap fabrikkiani maskiinat raajalerissutit tassataavannguaq unipput.
Raajarniutit 150 tons-it missanniittunik Narsamut naggammik sapaatiummat juunip ulluisa 25-anni tulaassipput.
Ullumilu sisamanngornermi arfernup missaani sulisut holdit kingulliit, maskiinat raajalerissutit unitsippatigit, Narsami raajalerineq oqaluttuaannanngussaaq.
Fabrikkili matuissanngilaq. Ulloq manna tikillugu raajanik tulaassuinerup saniatigut, aalisartut saarullinnik ingerlaannaq qeritinneqartartunik tulaassuitinneqarput.
-Saarulliit Danmarkimut nassiussuunneqassapput, tassanngaaniillu tuniniarneqaqqittassallutik, Narsap fabrikkiani pisortaagallartoq Søren Justesen nassuiaavoq.
Aalisakkat suut avammut tunisassiassatut tunngavigineqalissanersut ukiap ingerlanerani erseqqissiartussasoq ilanngullugu oqaatigaa.
