Narsami qimmiutillit soqutigittaapput

Narsami qimmit perlerulersimanissaat annilaangatigineqarmat, qimmit angalaaginnartut toqorarneqarput, Narsallu kommuneani ingeniør-i Steffen Rosing Berthelsen oqarpoq, politiit komuunillu qimminik pitussimatitseqqusinerat, Narsami qimmiutilinnit amerlavallaartunit tusaaniarneqarpallaanngitsoq.

- Inuit qimmiutitik anisinnaveersaarlugit isersimatinniarsarissavaat, qimmillu annisissagunikkillu nakkutigilluaqqissaarlugit pitussimasariaqarput, Steffen Rosing Berthelsen oqarpoq nangillunilu:- Maluginiarsimavarpulli amerlasuut qimmiminnik aneerussigaangamik pitoqqaneq ajoraat. Aamma qimmilerisut soraaraangata qimmit amerlavallaartut kisimiilluntik aneertarput. Angalaaginnartut maannakkut toqoraannartalerpagut. Steffen Rosing Berthelsen aamma oqarpoq, qimmit akornanni perlerortaqarsimassappat, uumasut perlerortut meeqqanik inersimasunillu saassussisinnaasut ulorianartorunussuullunilu.

- inuit soqutigittaallutik qimmitik taamatut pitoqqanagit aneersittaannassappatigit, politiinit akiliisinneqarsinnaapput.

Narsap kommuneani ingerniøri Steffen Rosing Berthelsen taama oqarpoq.