Narsami politiit angut 19-inik ukiulik sukkasuuliamik angalasoq ujarpaat
Umiatsiaq - Yamarin C 59 - 18 fodsitut angitigaaq, qaqortuulluni ammaannangajattumik initalik, 115 Hestekræftilimmik motorilik.
Angut 19-inik ukiulik Qaqortormiuuvoq, Narsamilu sulinngiffeqarluni. Paasissutississutigineqartut malillugit unnuami tallimanngornerup arfininngornerullu akornanni nuannannerup nalaani Narsami inuusuttunik allanik oqqateqarsimavoq.
Tamatuma kingorna Narsami A34-ip eqqaanit nalunaaqutaq ullaassakkut tallimap eqqaani aallartoq takuneqarsimavoq.
Tamatuma kingorna takoqqinneqanngilaq. Angut tammaaneqartoq immami nalunngilluakkamini angalalluarsinaasutut, misilittagalittut ulluinnarnilu silatusaartuusutut eqqaaneqarpoq.
Kisianni politiit angallataat Sisak 3 ilaqutaasullu arfininngornermi angummik ujaasigaluartut, 19-inik ukiulimmik umiatsimilluunniit nassaartoqanngilaq.
Aammattaaq alapernaarsuut Vædderen, tamatuma imartaniittoq, qulimiguulimmik ujaasititsisimavoq, ullumilu ujaaseqqinnermi peqataalluni.
Ujarneqartumik takunnissimasinnaasut paasissutissiisinnaasulluunnit tamarmik politinut saaffiginnequneqarput oqarasuaammut 70 11 24 imaluunnit politiinut allaniittunut.
