Narsami piujuartitserusupput

Pisuussutit uumassusillit piujuartinnissaanik paasisitsiniaaneq Tulugaq Narsap Kommuniani nanginneqassaaq.

Narsap Katersugaasiviata aaqqissugaanik aqagu arfininngornermi sammisaqartitsisoqassaaq, ilaatigut aasaq suliarineqarsimasut kingumut qiviarneqassallutik.

Aasaq nunaqarfiusimasut ilaanni Niaqornami asiaqatigiittoqarmat meeraaqqaniit utoqqarsuarnut peqataapput, utoqqaallu inuusaaserisimasaminnik meeqqanut inuusuttunullu oqaluttuussipput.

Aasaq misigisat tamakku assinngorlugit aqagu katersugaasivimmi isiginnaarneqarsinnaapput, unammisoqassaarlu akissarsiassartalinnik. Aamma Tulugaq aqqutigalugu siunissami sammineqarsinnaasunik isumasioqatigiittoqassaaq.

Anguniarneqarpoq Narsap Kommuniata paasisitsiniaanermut Tulukkamut pisortatigoortumik ilanngunnissaa, soorlu kommunit arlallit taamaalioreersut, Narsap Katersugaasiviani pisortaq Rie Oldenburg oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat