Narsami pinngitsaaliisimasoq suli ujaaraat
Allattoq Mads Lynge
Narsami illoqarfiup qeqqani narsaamanerujussuarmi, Kirkemosemi, angut arnamik pinngitsaaliilluni sapaatiummat ullaakkut arnerisoq pillugu Narsami politiit misissuinerminni ingerlariaqqissinnaanngillat.
Pinngitsaaliisup isukkuanik nalunaarutit aallaavigalugit inuit sisamat maannamut saaffiginnissimapput, kinguneqanngitsumik, politiassistent Lars Kirkegaard taama nalunaaruteqarpoq.
Angut 30-t 40-llu akornanni ukioqassangatinneqartoq 170 centimeterit missaanni angissuseqarpoq, kalaalerpasissumik isikkoqarluni. Naatsunik qeratasuunik qaamasunillu nujaqarluni aamma tungujortunik iseqartoq politiinit ujarneqarpoq.