Narsami nukappiaqqat ikiorserniarnerat arriisaarunneqarpoq

Narsami nukappiaqqat aqqanillit kinguaassiuutitigut atornerlunneqarsimasut ornittagaat qaammatit pingasut missaanni ammareerluni siorna novembarimi matuneqarpoq, aningaasassaqanngimmat. Ornittagartaarnissaat maanna sulissutigineqarpoq, allaffissornermilli kinguarsarneqarluni. Nukappiaqqat ilaqutaasalu ornittagassaat pilersinneqajaanngippat, tamanna inuiaqatigiinnut akisuumik kinguneqassasoq, Narsami ornittagassamik sulissuteqarnermi aqutsisoq, pitsaaliuinermi siunnersorti, Bolethe Steensgaard oqarpoq:

- Tassa ajoraluartumik Narsap kommunea kisimi aningaasalersuisuugami, matuneratalu nalaani aningaasarpassuit 300.000 kronet missaani atorneqareersimammata allamillu periarfissaarummat matuinnartariaqarsimavoq.

Suliaq uniinnartinneqanngitsoq Bolethe Steensgaard nangippoq:

- Ingerlannaaq assigiinngitsunut misissuineq aallartippoq. Namminersornerullutik Oqartussanut saaffiginnippugut siullermik septembarimi. Akissuteqarput suliaq erserissarnerullugu isumaginninnermilu siunertalimmik misiligummik aaqqissuussinermi pilersaarusiornermi najoqqutassaq aamma piumasaralugu. Taanna aallaavigalugu qinnuteqaqqippugut. Kingorna aataveqatigiinneq ingerlavoq, suliaq aamma kigaannermik, attaveqatigiinneq kommunalbestyrelsemit aamma akuerineqaqqaartariaqartussaasarami. Namminersornerullutik Oqartussanit itigartinneqanngilagut akinerpugulli ersarissarneqartaqattaassagipput akissutissat assigiinngitsut pillugit.

Illu ornittagssap nutaap kingusinnerpaamik aasaru ammarneqarsinnaanissaa Bolethe Steensgaard-ip neriuutiginerarpaa.

Narsami ornittagaq matummat nukappiaqqanik ilaqutaanillu sapaatip akunnikkaarlugit oqaloqatiginnitarnerit unipput.

-Taakku malunnaateqartorujussuupput, aamma sammisassaqartinneqarnerat unimmat meeqqanut pineqartunut ilaqutaanullu sunniuteqangaatsiarpoq.

Bolethe Steensgaard isumaqarpoq illu ornittagassaq pilersinneqanngippat, tamanna kingunerlussasoq.

-Nukappissat taamatut aallaqqaammut namminiilernissaannut ikiorserneqanngikkunik ilaqutaqalernertik ilanngulugu ikiorserneqarnissaminnut pisariaqartitsijuaannartussanngussapput. Ikiorsiivigineqanngikkunik ilaqutariit ataavartumik pisariaqartitsisuusussaassapput, uagut ikiorsiissutigisinnaasagut maannakkut annikinnermik.

Ilaqutariinnermut naalakkersuisoq, Asii Chemnitz Narup pineqartumut oqaaseqartinniaraluaratsigu iluatsuinngitsoorparput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat