Narsami nukappiaqqat atornerlunneqarsimasut nassuiaateqarfigineqassapput
Narsami meeqqat kinguaassiutaannik atornerluisimasoq pillugu naalakkersuisut nassuiaateqartussanngorput. Narsami nukappiaqqat arlallit kinguaassiutimikkut atornerlunneqarsimanerisa kingunerisaannik innuttaasut taqqavani kingunipilutitsipput. Narsamilu pisimasut kisimiinngillat. Pisortat pinaveersaartitsinermik suliaqartarnissaat qanoq iliuuseqartarnissaallu piumasaqaataavoq.
Inatsisartut ilaqutariinnermut Peqqissutsimullu ataatsimiititaliaanni ilaasortap Astrid Fleischer Rexip tamanna erseqqissarpaa. Taamaattumik kommuni naalakkersuisunit ikiorserneqarniassammat apeqqutinik arlalinnik akineqartussanik apeqquteqaateqarpoq.
Narsami meeqqat kinguaassiutaannik atornerluineq pillugu suliap akisussaaffigineqarnissaa Demokraatinit aamma kissaatigineqarpoq.
- Aasianni meeqqat kinguaassiutaannik atornerluisimasup qanoq ililluni Narsami pissusipilussuani ingerlatiinnarsimasinnaavai ? Kikkut tamanna akisussaaffigaat ? taamatut Astrid Fleischer Rex ilaatigut aperivoq.
