Narsami naqinnernik takunnissinnaangitsut atuarfiat aallartilluarpoq

Narsami naqinnernik takunnissinnaangitsut atuarfiat aallartilluavissorpoq.

Borgmester Kiista P. Isaksen oqarpoq Namminersornerullutik Oqartussanut aningaasatigut tapiiffigineqarnissaq ujartorlugu saaffiginnissuteqarsimagaluarlutik:

-Namminersornerullutik oqartussanut saaffigittarnerigaluavut iluatsinngillat, malunnarpoq suli piareersimanngitsut, Kiista P. Isaksen oqarpoq.

Atuarfik sineriaammiit saaffigfineqaqattaarpoq.

Kaali Geisler Nuummeersoq naqinnernik takunnissinnaanngitsoq saaffiginittut ilagaat. Taanna ukiuni arlaqalersuni ikioqqulluni qinnuteqartarsimavoq. Sunngiffimmi Sammisassaqartitsinerup ataani inersimasunut periarfissamik neqeroorfigitissimavoq, sapaatip akunneranut nalunaaquttap akunnerini marlunni atuartarsinnaalluni.

-Akunnerit ikippallaarput iluaqutaanngillat, Kaali Geisler oqarpoq, nangillunilu.

- Atuarsinnaanangalu allassinnaanginnama aporfissaqarnaqaaq. Neqeroorfigineqarnikuuvunga sapaatip akunneranut akunnerit marluk auartinneqarsinnaasunga; kisiannili tamanna naammaangilaq, taamaattumik Narsamimi ataasinngornermiit tallimanngornermut atuartinneqarnisssaminnik neqeroorfigineqartut usoreqaakka, Kaali Geisler oqarpoq.

Narsami naqinnernik takunnissinnaangitsut atuarfiat Narsarmiut tamanut nerqeroorutaavoq. Ukuip naanissaata tungaanut Narsap Kommunea 100.000 koruuninik aningaasaliivoq.