Narsami naatitsivik nutaaq

Naatitsivik nutaaq Narsami Ulloqeqqata siorna ammarmat, Narsarmiut naatsiivimminni naasunik ikkussugassaminnik pisiortorsinnaalerput. Narsap kommuniata teknikkeqarfiani sulisup Bent Olesen-ip, sulinngiffimmini soqutigisani timitalermagu Naatitsivik piviusunngorsinnaalerpoq. Bent Olesen-ip siunertaraa Kujataani naatsitsivinnik siuarsaanissi.

Pisiniat ilaat, Buuti Mogensen oqaloqatigaarput:

-Naareernikuugamik naatsiivimmut ikkussuuttariaannaallutik, immaqa juunimi juulimiluunniit naasut sikkeralissapput Buuti Mogensen oqarpoq.

Bent Olesen-ip nulia Mina Olesen qujamasuppoq uimi soqutigisani iluatsimmagu.

- Qujanarpoq pilersaarutini piviusunngortimmagu. Siulliit ikkussormagit ikiorpara. Aatsaat siullerpaamik tamatta misilipparput.

Agurkit naasui tuniniarneqanngillat kisiannili kikkulluunniit agurkimik siullermik inerittumik pisiumasut akitsorterussinikkut pisiniarsinnaapput. Bent Olesen oqaluttuarpoq, soqutiginnittut amerlasuujusut, aamma ippassaq Ilulissaniit sianerfigitissimalluni akitsorterussinermi ilaajumasumik, namminerooq naatsorsuutigigaluaramiuk Narsarmiuinnaat akornanni unammisoqarnissa, kisianni Narsap avataani soqutiginittoqarnera tikilluaqqunerarlugu, Bent Olesen Narsami naatsitsivimmik piviusunngortitsisoq oqarpoq.

Naatitat nerisassiornermut akussat persillet, dildit, karset purløgillu aamma naatinneqarput. Agurkimik inerittumik akisunerpaamik pisisimasoq aqagu nalunaaqutaq sisamanut tamanut nalunaarutigineqassaaq.