Narsami naatitanik naatitsisartut, issittumi naatitsinerni ilisimasanik suli amerlanerusunik ineriartortitsiumapput.
- Ilisimasanik tunngavigisat misilittakkallu annertusarniarlugit nunani allani assingusimik naatitsiviusinnaasumi assingusumillu silaannaqartumi Japan-ip avannaamiut, tassa Aomori-miut ungasinngitsukkut attavigaavut. Tamaani ukiuni arlaqalersuni iluatitsiffiulluartumik nersorneqartumillu naatitanik naatitsisoqartarsimavoq, taama nassuiaavoq Bent Olesen Narsami naatsitsiviup ingerlatsisua.
Japan-imiut periaaseq atugaat malillugu ukiukkut naatitsivinni naatitat kiassagaanngitsumi naatinneqartarsimapput, tamaanilu naatitat kigaatsumik inerikkiartornermikkut marloriaammik sukkoqarnerullutik, C-vitamineqarnerullutik aamma E-vitamineqarnerusarsimapput.
Nunatsinni naatsiiat savaatilinni naatinneqartartut, kigaatsumik inerikkiartornermikkut Japan-imi Aomorimi naatitsivinni naatitatut pitsaassuseqartarput.
Bent Olesen-ip ilisimasanik periarfissanillu nalunaasuisoq oqarpoq, nunatsinni Japan-ip avannaanit nillernerugatta seqernup kissaa iluaqutigalugu 5 radet tikillugit naatitsiviit kiassarneqarsinnaasut.