Narsami isertitsivimmit qimaasoq ujarneqarpoq
Narsami politiit nalunaaruteqarput, Narsami politeeqarfiup isertitsiviani isersimatinneqartoq, tassa kinaassusaa Narsami politiinit ilisimatitsissutigineqarpoq; 40-nik ukiulik Agpaarak Hendriksen, isertitsivimmiit ippassaq unnukkut aqqanermut tanneq qulingiluanngortoq qimaasimasoq.
Agpaaraq Hendriksen saluttuuvoq naatsunillu kajungajattunik nujaqarluni. Isimi talerperliup ataatungaani aappalaartumik uunerup kingorna qileroqartoq aamma oqaatigineqarpoq. Atisarai
tuluujuaraq tungujortoq taartoq, qarliit coorbut, timersuutinik qaqortunik kamippaqarluni, qaamasunillu allalersukkamik nasaqartoq, Narsami politiit ittuat Olav Nielsen ilisimatitsivoq.
Narsami isertitsivimmit qimaasoq inunnut navianarsinnaasumik pinerluuteqarsimasuusoq, taamaalillunilu inoqatiminut navianartorsiortitsisinnaasoq Narsami politiit erseqqissaateqarput.
Agpaaraq Hendriksenimut tunngasunik ilisimannittut narsami politiinut saaffiginneqquneqarput oqarasuaammut 497722, tassa 497722-mut.
