Narsami innuttaasut uranimik piiaasoqarnissamut naaggaarput
Tamanna ”Kalaalit Nunaanni uranimik misissueqqissaarnerup piiaasinnaanerullu inuiaqatigiinnut sunniutigisinnaasai pillugit nassuiaat” –naalakkersuisut ilaatigut kommuninut tusarniaassutigisassanngorlugu – nassiussineratigut pivoq,tamannalu Narsami ernumalersitsivoq.
Narsami innuttaasut naatsiivimminni uraniuteqarusunngillat.
-Piumasaraarput Aatsitassarsiornermut Pisortaqarfik Kuannersuarmi misissueqqisaarnissamut akuersissummik tunineqarsimasoq – urani pillugu pilersaarutitik pillugit innuttaasunut nassuiaajartorlutik Narsamukassasut, borgmester Kiista P. Isaksen Sermitsiamut oqarpoq.
Aatsitassanut naalakkersuisup, Kim Kielsenip, ullumikkut kissaatigaa, Kalaallit Nunaata uraniutaa pillugu innuttaasut akornanni oqallisisigineqartarnissaa.
-Uranimik piiaanissap ammaanneqarnissaa pillugu innuttaasut tapersersuisariaqarput. Tamannalu taaaallaat pisinnaavoq inuttaasut oqaloqatiginerisigut, Kim Kielsen Sermitsiamut oqarpoq.
