Narsami innuttaasut tusartinneqarusupput

Narsami qinersisartut isumaqarput naalakkersuinikkut kiffaanngissuseqartumik oqartussaaqataanertik tunngavigalugu tusartinneqartussallutik, sooq sapaatip akunnerata uummap siuliani Narsap kommunalbestyrel-siani issiasut nutaamik inissitsitersimanersut. Tamanna pillugu borgmester Kiista P. Isaksen ippassaq tusagassiutitigut nassuiaateqarumanngilaq. Isumaqarnerarami innutaasut namminneq kommunimut paasiniaasinnaasut.

Qinersisartut Radioavisimit ullumi paasiniaavigineqarput, Narsami politikikkikkut qanoq pisoqarnera ilisimaneraat.

-Radioavisikkut aatsaat tusarakku soorunami tupappunga. Qinersisartuulluni paaserusunnarpoq sooruna illoqarfitsinni taama pisoqartoq.

Qinersisartuulluni qanoq misigisimanarpa?

-Soorunami toqqissimananngilaq, immaqa ammanerusumik tusagaqarsimasuugutta pissutsinik paasisaqarluta ilisimasagut annertunerussagaluarput, kisianni tassanngaannaq tusarlugu eqqarsaallannarpoq.

-Uanga Atassumik tasinikuugama kingullermi, taamatut nussasut eqqarsarsimanngikkaluarpunga. Ajorpoq taanna. Qinersisartuulluni ajorpoq. Eqqunngitsumik iliorput.

-Aperisassaaleqinarpoq. Narsami-uku qanoq isiortut. Erseqqissumik paasitinneqartariaqalerpugut.

- Uanga isumaqarpunga innuttaalluni politikkikkut isersimasut paatsiveqanngitsut.