Narsami innuttaasut tb-mut misissortilerput
Narsarmiut tamarmik 15-ileereersimasut puammikkut misissortikkiartoqqullugit kajumissaarneqarput.
Napparsimasutut misigisimanngikkaluaraanniluunniit napparsimmavimmi misissortinnissaq pingaaruteqartoq, Namminersorlutik Oqartussanit ilisimatitsissutigineqarpoq.
Nanortalimmiut misissortissimanngitsut misissortinnissaminnut suli periarfissaqartut aamma oqaatigineqarpoq.
Qinnguartartissinnaanngitsulli tassaapput naartusut meeqqallu 15-iniliineqanngitsut.
Meeqqat atuarfianni 1. klassimiit 10. klassimut atuartut aaversinnikkut misissortissapput, meeqqallu minnerit pisariaqartitsineq naapertorlugu misissorneqassallutik.
Nappaat sakialluut akiorniarlugu maannamut iliuusaasarsimasut naammaginannginnerat iliuuseqarnermut matumunnga pissutaavoq.
Sakialluummik nappaateqalersartut ukiuni kingullerni tallimani ukiumut 71-iusarput, taamaalilluni Nunatsinni tb-mik nappaateqalersartut amerlassusaat nunani ineriartorfiusuni arlalinnisulli amerlassuseqarlutik.
