Narsami innuttaasut nuannatsinneqarput

Kommunimi aningaasarliortumi suliffissaaleqiffiusumilu najugaqaraluarluni sulerusussuseqaraanni, innuttaasut nuannatsinneqarsinnaapput assigiinngitsorpaassuarnik sammisassaqartillugit.

Tamanna uppernarsisinneqarpoq Narsap Kommuniani Kultureqarnermi immikkoortortaqarfimmit aammalu innuttaasunit suleqataarusuttunit.

Narsami kulturfestival Kultureqarnermi Ataatsimiititaliap siulittaasuanit Aqqaluaq Egede-mit ippassaq sisamanngornermi ammarneqarpoq, erinarsoqatigiit appisimaartoralugit, kaffillernermillu naggaserneqartumik. Suleqaaterput Judith Hard Peilmann oqaluttuarpoq taqqavani silagissuulluni kiaqisoq.

Narsap kusanaqqiffisssaqarnani qaqqanut allaat sungaartuaqqanik sikkersimanera, pisunut ilanngullugu kommunip allaffiata saavanut inuit ussagartut alutorsaatigaat.

Sunngiffimmi Sammisassaqartitsisartoq Mads Peter Grønvold oqarpoq innuttaasut sissiukkami nipilersortoqarlunilu nuannannissaq kulturfestival-ilu ataatsikkut ingerlannissaat ataqatigiississimagitik.

- Meeqqat inersimasullu sapinngisamik assigiinngitsorpassuarnik sammisassaqarniassammata.

Qaqqarsuaq festival unnugu aamma aallartissaaq, Festivalimut Narsap ilisarnaataa Qaqqarsuaq atsiunneqarsimavoq. Tuborg Narsamilu Brugsen tassunga aningaasaliisimapput.

- Aningaasartuutissanut 60.000 koruunit missaannik missingersuuteqarpugut. Taakkua ilaat nipilersortartut, Paamiuniit Enok Poulsen-ip Narsamiiniillu Sikukkut, tikisinneqarnerinut atorneqassapput, Mads Peter Grønvold nassuiaavoq.