Narsami innuttaasut akerliunertik suaarutigaat

Qaqortumi innuttaasut mittarfittaarnissaminnik ilungersuleruttorfianni Narsarmi innuttaasut Narsarsuarmi mittarfiup ataannarnissaanik sorsuuteqarput.
oktobarip 07-at 2011 13:00

Qaqortumi suluusalimmik mittarfittaarusuttoqarnera akerleralugu Narsami innuttaasut 36-nik amerlassuseqartut pingasunngormat unnukkut ataatsimiipput.

Ataatsimiinnermi peqataasut ilaat Theo Kruse isumaqarpoq Qaqortumi suluusalinnik mittarfiliortoqassappat, tamanna imminut akilersinnaannavianngitsoq.

Taava tassa Narsarsuaq matutikkusunngilarsi?

-  Soorunami Narsarsuup matunissaa akuerisinnaanngilarput, Theo Kruse oqarpoq.

Narsarsuarmi inuit 130-t missaniittut najugaqarput, tamanna eqqarsaasersorfigisimavisiuk?

-  Suliffeqarfik 130-inik sulisulik angivoq. Qaqortumi suluusalinnut mittarfiliortoqassagaluarpat, taamaallaat inuit immaqa aqqaneq-marluk sulissapput. Taamaammat apererusunnarpoq sulisut sinneri suliffissaarutinneqassanersut, Theo Kruse naggasiivoq.