Narsami inigisaminnit anisitaasoqalernera Narsami kommunimut qinikkat qisuariaateqarfigaat

Nunatsinni inissianik attartortut 400-t ukiormanna inigisaminnit anisitaassasut, taakkunanngalu 89-it Narsarmiuusut ulluni kingullerni sammineqartupilussuuvoq. Tamannalu Narsami qinikkat maanna qisuariaateqarfigaat.
Allattoq Simon Uldum -
februaarip 04-at 2015 07:51

Narsami innuttaasut 89-it inigisaminnit anisitaasussanngornerannik tusarliussaqartoqarnera Narsami kommunimut qinikkat Benjamin Kielsenip (S) Karla E. Bisgårdip (S) aamma Avaaraq Olsenip (IA) ilungersunartutut tigullugu suliassaq aallartippaat.

AAMMA ATUARUK A/S INI: Anisitaasoqassatillugu politiit ornigukkaangata akiliinermik kinguneqartarpoq

Taakku ataatsimoorlutik tusagassiorfinnut nalunaaruteqarlutik allapput paasissutissat anisinniakkanut tunngasut suullu tunngaviunersut maanna paasiniarneqartut, aammalu kommunimi ataatsimiititaliat attuumassutillit saaffigineqarnissaat isumagineqartoq, iliuuseqaqataanissaannillu piumaffigineqarlutik.

AAMMA ATUARUK Narsami 2015-imi anisitaasussat 89-upput

- Suliaq ilungersunartoq pilertortumik iliuuseqarfiginiarneqarpoq kingusinnerusukkullu paasisaqarnerugutta nalunaaruteqartoqarumaarpoq, Benjamin Kielsen (S) Narsami kommunimut qinikkat sinnerlugit taama allappoq.

Narsami qinikkat, kommunimi Inatsisartunilu partiit apeqqutaatinnagit, suliaq pillugu sisamanngorpat naapissamaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq