Narsami immiorfeeraq amigartoorpoq

Greenland Brewhouse, Narsami angerlarsimaffeqartoq 2007-mi to millioner kroninik amigartoorsimasoq, Sermitsiami ullumi saqqummersumi atuarneqarsinnaavoq.
Allattoq Najaaraq Egede
juulip 11-at 2008 06:35

Amigartoornerup kingunerisaanik immiorfimmik pilersitseqataasoq Salik Hard pisortatut tunuarpoq.

- Amigartoorsimasoq piffissami matumani nakorteqqinniarluni ilungersorpoq, Gerhardt Petersen aningaasaliisarfimmit Greenland Venture-imeersoq suliffeqarfimmi utaqqiisaasumik direktøriusoq oqarpoq.

Suliffeqarfiup ukiumoortumik naatsorsuutai suli saqqummiunneqanngillat, piareersarneqarpulli.

Direktørip taarserneqarnera aningaasaliisarfiup immiorfeeqqamut 1,6 millioner kroninik tassalu aningaasaatit 49,5 millioner kroninik aningaasaleeqataalluni aningaasaliissutaasimasunik annaassinialersimaneranut takussutissaavoq.

Immiorfeeqqap tunisassiaanik Danmarkimi, Canadami, Australiami Europamiluunniit immiaaqqanik nioqquteqartartunik aggustimi isumaqatigiissuteqarnissaq ilimagineqarpoq.