Narsami igasoq nerisassioriaasiullaqqissutut nersorneqanngitsoorpoq
ICC-p siulittaasorisimasaa, Sheila Watt-Cloutier, Nobelip nersornaasiuttagaanik tunineqanngitsooreersorlu, maanna aamma Narsami nerisassiornermik ilinniarfimmi pisortaq, Esben Toftdahl, Nunani Avannarlerni nerisassioriaatsinik nutaanik nassaarsiullaqqissutut toqqarneqanngitsoorpoq.
Allattoq Oline I. Olsen
oktobarip 12-at 2007 14:03
Nerissassioriaatsinik nutaanik nassaarsiullammattut toqqarneqarpoq Ishotellet, Sverigip avannaani illoqarfimmi Jukkasjärvimiittoq.
Esben Toftdahlilli tamanna ajorinngilaa.
- Nutaanik nerisassiullammattut toqqarneqarsinnaasunut ilanngunneqarnera nersuiniarnertut nuannersutut isigaara, nerisassioriaatsinillu nutaanik nassaarsiortuarnissannut kaammaattuutaavoq, Esben Toftdahl Sermitsiaq.gl-imut taama oqarpoq.
