Narsami eqqaavivoli
Eqqaavivoli tassaasoq igitat atoqqillugit Tivolertitsineq Narsami ingerlanneqarpoq. Ippassaq arfininngornermi atisanik atornikunik takutitsisoqarpoq, meeqqat atuartut nipiliuutit assigiinngitsut atorlugit rytmilersortut nipilersortoralugit. Eqqaavissuarmut igitat assigiinngitsorpassuit kusanartunngorlugit Nuka Godtfredsen-imit, Inuk Silis Høegh-imit meeqqanillu suliareqqinneqarsimapput.
Rita Josinius 9-nik ukiulik immuit panertut puukuanik aningaasanik nakkaatitsiviliortoq oqaluttuarpoq ullut tamaasa piareersaasunut peqataasarluni.
Eqqumiitsuliortut aamma ulapeqataasut pillugit titartaasartoq Nuka Godtfredsen ima oqarpoq.
-Præmiassat tamarmik atortukuupput. Puujaasat viinnit puukui naneruuserfiliarineqarsimasut, simikut ilisarsaajunnaarlugit tajaliat, dunkit saftit puukui plastikkit qalipallugit titartakkanik assiliartalersukkat, immuit panertut qillertuusat puukui atisakunik qallersorlugit qalipallugilluunniit nakkaatitsiviliat annertunerusumik præmiassat suliaraagut.
Cykeli assakaasukua qeqqatigut pujortuleeqqap aquutikuanik kaavinnissaanut ikiortaasussaq Lykkehjuliliarineqarsimavoq.
Taama paasissutissiivoq titartaasartoq eqqumitsuliortoq Nuka Godtfredsen Narsami Eqqaavivoliliornissamut ippassaq ullumilu ingerlanneqartumut piareersaaqataasussatut qaaqqusaasimasoq. Paasititsiniutigineqartut ilagaat nunarsuarmi tamarmi ullormut plastikkiliat 80 millioni tonit missaat angusarmatigit.
