Narsami ameerniarneq univissimavoq

Narsami aalisartut piniartullu peqatigiiffiata siulittaasua Ole Jørgen Davidsen, Ammerivimmit Great Greenland-imit soraarsitaareersorlu, illoqarfiit taakku akornanni ameerniarneq univissimavoq.

-Narsami borgmestererput allakkatigut Great Greenland-imut saaffiginnikkaluarpoq, siornatigut suleqatigiilluarnerput kipitinneqarsimasoq pillugu, kisianni allakkat akineqarsimanngimmata, Inuussutissarsiornermi Ataatsimiititaliami siulittaasutut aalajangerpunga, Inuussutissarsiornermi siunnersortaagallartoq Ole Jørgen Davidsenilu Danmarkimut Norge-mullu angalassasut suleqatissatsinnik nutaanik paasiniaallutik.

-Paasisavut naapertorlugit isumalluarpalupput,

Ole Mølgaard-Motzfeldt Kujataata Radioanut oqarpoq.

Allakkat pineqartut akineqarsimanngitsullu Ammerivimmut marsip qaammataani nassiunneqarsimapput. Ole Mølgaard Motzfeldtip erseqqissarpaa, aalisartortatik piniartortatillu qinikkatut illersortussaagitik. Kisianni Ammeriviup amermik tuniniaaviani pisortaq Paaviaaraq Heilmann Kujataata Radioanut oqarpoq, Ammeriviup kommunit ataasiakkaarlugit isumaqatigiissuteqarfigineq ajorai, taamaattumik Narsap borgmesteriata allagai kingusinnerusukkut akissuteqarfigineqarumaartut.