Radioaviisimi siusinnerusukkut ilanngutassiamut tunngasumik naqqiuteqalaassaagut.
Tassa raajartanik nunami tunitsivinnut tunisineq pillugu nalunaarusiaq saqqummiuneqartoq pillugu tallimanngormat tusarliupparput aalisarnermut piniarnermullu pisortaqarfimmit suliaq pillugu tusarniaaneq naalakkersuisunut KNAPK-mut APK-mut aalisarnermut siunnersuisoqatigiinnut Royal Greenlandimullu nassiunneqarsimasoq, tusarniaaffigineqartunillu naalakkersuisut kisimik akissuteqarsimasut.
- Matumani Naalakkersuisut tusarniaaffigineqanngillat. Suliaq naalakkersuisut septembarip 22-ianni oqaluuseraat, tassanilu aalajangerneqarpoq Royal Greenlandip siulersuisuunerinut tusarniaassutigineqassasoq assingalu KNAPK-mut nassiunneqarluni, tusarniaaffigineqartullu suli akissuteqanngillat, Amalie Jessen, Aalisarnermut piniarnermullu pisortaqarfiup pisortaa taama oqarpoq.