Siumut sinnerlugu Folketingimi ilaasortaq Lars-Emil Johansen naalagaaffiup tapiissutigisartagaasa 3 milliard koruunit qaavatigut naalagaaffik tapiissuteqaqqeqqullugu tallimanngormat ullo-qeqqanut radioaviseqarnitsinni siunnersuuteqarnerarparput. Aningaasat meeqqanut sumiginnakkanut atugassat pineqarput.
Tamannali eqqorpallaanngilaq. Lars-Emil Johansen-ip oqaaseqarnermini pivaa, imigassamik ikiaroornartumillu ajornartorsiutilinnut katsorsaasinnaasunik ilinniartitsinissamut atatillugu Danmarkip ikiuussinnaanera.
- Kalaallit Nunaata aningaasat amerlanerusut meeqqanut sumiginnakkanut atortariaqarpai, naalakkersuisut suliassanik pingaarnersiuisariaqarput Danmarkilu suleqatigalugu. Lars-Emil Johansen erseqqissaavoq.
Kukkunerput ajuusaarutigaarput, Lars-Emil Johansenilli aamma ajuusaarutigaa, radioavisimut paatsuunganarsinnaasumik oqaaseqarsimasinnaanini.