Naqisimanninneq unitseqquaa
Danmarkimi nunanut allanut ministerip Per Stig Møllerip Iranimi palasiunerit naalakkersuisut ullumi kajumissaarpai, "nunami tassani peqqarniitsumik naqisimanninneq unitseqqullugu".
Allattoq Elisa Isaksen
februaarip 03-at 2010 05:31
Aamma taassuma Iranimiut marluk, Iranimi præsidentimut juunimi qinersinerup kingorna akerliussutsimik takutitseqataasut, piffissami kingullermi toqumut eqqartuunneqarnerat "annilaarutigeqaa".
Sapaatip akunnerata siuliani ataasinngormat, Iranimiut Danmarkimi aallartitaat, nunanut allanut ministeeriaqarfimmut aggersarneqarpoq, tassanilu eqqissisimasumik akerliussutsiminnik takutitsisunut nakuusernerup atorneqarnera, Danmarkimit ernumanartutut akuerineqarsinnaanngitsorlu, Per Stig Møllerip oqaatigaa.
Per Stig Møller Iranimut taama kajumissaarivoq, akerliussutsiminnik takutitsisut qulingiluat toqumut eqqartuunneqarnerat Iranimit ippassaq nalunaarutigineqareersorlu.
