Napãtôk' pillugu apeqquteqaateqarpoq
Naalakkersuisut siulittaasuat Hans Enoksen ilisimannittutut nalunaajaasuunermini oqarpoq nuliamik meeqqanillu Namminersornerullutik Oqartussat akiligaannik nerisitsisarneq Jens Napãtôk'-p aallartitarinngikkaa.
- Naalakkersuisunut ilasortaasimasorpassuit nuliaminnik meeqqaminnillu Namminersornerullutik Oqartussat akiligaannik nerisitsisarnikuupput, tamannalu apeqquserneqarnikuunngilaq. Politikkikkununa oqallittarnerit soqqusaalligaluttuinnarnerisa inunnik ataasiakkaanik malersuisarneq atorneqaraluttuinnartoq, Hans Enoksen nalunaajaasuunermini oqarpoq.
Taamaammat Jens B. Frederiksenip Hans Enoksen aperaa suli Jens Napãtôk' inuttut malersorneqarsorineraa, tunuarnissanilu eqqarsaatigineraa. Jens B. Frederiksenip paaserusuppaa naalakkersuisunut ilaasortat allat ilaquttaminnik Namminersornerullutik Oqartussat akiligaannik nerisitsisarsimanersut misissortikkusunnerai, pisariaqassappallu politiinut suliassanngortikkusunnerai. Jens B. Frederiksenip aamma paaserusuppaa Naalakkersuisut siulittaasuata ataasiarluni Napãtôk'-p Namminersornerullutik Oqartussat akiligaannik nuliaminik nerisitsisimanera akuerisimammagu Naalakkersuisut tamanna inatsisaatsuliornertut isigineraat.