Napparsimasut persuttaaniartartut Danmarkiliaanneqartarput

Dronning Ingridip Napparsimavissuani tarnikkut nappaatillit immikkoortortaqarfiani napparsimasut nukersorniartarnerat piareersimaffigineqanngimmat sulinermi ajoqusertoqartarpoq.
aggustip 28-at 2008 05:24

Taamaammat napparsimasut persuttaaniartartut Danmarkimut aallartinneqartarnerat akulikilliartuinnarpoq, Rigshospilatimik Risskovimilu napparsimavimmik isumaqateqarnikkut tamanna pisinnaanngorpoq, Peqqinnissaqarfimmi allaffissornikkut pisortaq, Søren Rendal oqarpoq.

- Napparsimasut persuttaaniartarnerat eqqarsaatigalugu uagut maani piareersimaffiginngilarput, maanimi matoqqasumik immikoortortaqanngilagut. Nukersorniartunut akiuutissatsinnik maani piareersimasuuteqanngilagut sulisoqarnatalu nukersorniartunik immikkut paaqqinnissinnaasunik, Søren Rendal oqarpoq.

Taamaammat napparsimasut katsorsarneqartussat uloriarnartorsiortitsisartulli Danmarkimut katsorsartikkiartortariaqartarput. Risskovimi napparsimavimmik immikkut isumaqatigiissuteqarnitsigut Rigshospitalimillu suleqateqarnitsigut maani katsorsarsinnaanngisavut aallartissinnaasarpavut, Søren Rendal oqarpoq.

Kalaallit tarnimikkut nappaatillit 18-it Danmarkimi maannakkorpiaq katsorsarneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq