Napparsimasut Kattuffiat: Kikkut pingaarnerussappat?
Dronning Ingridip Napparsimmavissuani sulisussaaleqinerup aaqqiivigineqarallarnissaa Napparsimasut Kattuffiannit iluarineqarpoq, napparsimasullu katsorsarneqartarnerannut atatillugu tulleriiaarisarnerit sukumiinerusumik nassuiarneqarnissaat kattuffimmit ujartorneqarpoq.
Allattoq Mads Lynge
februaarip 11-at 2009 12:24
Kattuffiup siulittaasua Astrid Hansen Hard ima oqarpoq:
- Pissutsit toqqissisimananngillat. Napparsimasut katsorsarneqartarnerannut atatillugu tulleriiaarinerit sukumiinerusumik nassuiarneqanngillat. Inooriaatsinik pissuteqartunik nappaatit suunersut nassuiaateqarfigineqanngillat. Napparsimasut kikkut pingaarneruppat? Astrid Hansen Hard oqarpoq, nangipporlu:
- Innuttaasunut ersarissaasoqartariaqarpoq. Tamanna pisariaqarpoq. Piviusorsiorneq aallaavigalugu oqaluttoqartariaqarpoq. Ersarissumik oqarfigineqarnissarput tamatta pisariaqartipparput, Peqqinnisaqarfiup pisussaaffigaa ersarissumik nalunaarnissani, Napparsimasut Kattuffiata siulittaasua Astrid Hansen Hard oqarpoq.
