Napparsimasut ikiorneqarsinnaanngitsut
Kangaamiuni nunaqarfiup napparsimmavia, ulluinnarni ullaakkut arfineq pingasuniit ualikkut sisamat tungaanut ammasarpoq. Napparsimmavillu matoreeraangat inuk perulunngippat, napparsimmavimmiit ikiorneqarsinnaaneq ajorpoq.
decembarip 19-at 2007 11:37
Kangaamiuni anaanaq pingasunik mikisunik meeralik, Elisabeth Petrussen Rosing tamanna toqqissisimanarinngilaa.
- Napparsimmaviup matunerata kingorna, meeqqanik napparsimatitsileruma napparsimavimmut siarngutigigaanngakkit, akineqaannartarpunga Maniitsoq napparsimmavianut sianeqqullunga. Maniitsup napparsimmavianut sianeraangatta, akissutisinissatsinnut sivisuumik utaqqisarpugut. Tamanna anaanaalluni toqqissisimananngilaq, Elisabeth Petrussen Rosing oqarpoq.
Kangaamiut nunaqarfinni kisiartaanngilaq, napparsimmaviup matunerata kingorna nakorsiartarfimmut saaffiginnittoqarsinnaasannginnera. Napparsimmaveqarfinni sipaarniarnerup kinguneraa, nunaqarfinni napparsimmaviit nalinginnaasumik ammasarfiit avataanni saaffiginnittoqarsinnaasannginnera.
