Napparsimasut allattorsimaffianni kinaassusersiortoqarpoq

Assersuutitut taava nakorsiaq qitiluttoq ataaseq kalaaliunerarlugu allassimammat, uffa qiterminik nakorsiuteqaraluartoq.

- Nakorsiarsimasoq ajuallassimalluni saaffiginnippoq. Nakorsap nalunaarusiaata assilinera takutippaa, ilumullumi allassimavoq nakorsiartoq kalaaliusoq. Nathalia Madsenip aatsaat taamaattunik takulinnginnerarpoq. Nakorsaqatimi nakorsianik immikkoortitsisarneri nuannarinngilai.

Nakorsat peqatigiiffianni siulittaasup Yves Salesip ajoriffissaqartinngilaa nakorsiap allagartaanut allakkaanni suminngaaneernersoq.

- Qitiminik nakorsiuteqaraluarpalluunniit nakorsaalluni iluartarpoq nakorsiap kinaassusaata ilisimanissaa; imaassinnaammat allamik ajoquteqariataartoq, taamaammat kalaaliunerata nalunaarnissaa ajoriffissaqartinngilara, nakorsat peqatigiiffianni siulittaasoq Yves Sales oqarpoq.

Paasiuminaatsippaa nakorsiat sumiorpiaanersut allanneqartarnerinut akerliusut. Katsorsaaniarnermimi iluaqutaaginnassaaq ilisimassallugu sumit kingoqqisuunersoq.

- Paasisinnaanngilluinnarpara ammip qalipaataanik immikkoortitsiniarnertut taaneqassappat. Apeqqutaanngilarmi nakorsiaq kalaaliuppat, negeriuppat kineseriugaluarpalluunniit, Yves Sales naggasiivoq.