Napparsimasunik angallassisut ilaneqassagunartut

Qaammatit pingasut massakkumiit qaangiuppata nunatsinni Peqqinnissaqarfiup aalajangiiffigissavaa, napparsimasunik angallassinermi Air Greenlandi kisiat siunissami atortassanerlugu, peqqinnisaqarfiup pisortaa Søren Rendal Ilisismatitsivoq.

Air Greenlandip kisimi napparsimasunik timmisartuussisarnermut atorneqartarnera, Peqqinnissaqarfimmi siornali eqqarsaatigineqalersimavoq, Air Greenlandillu kisimi attartorneqartarnera qimanniarneqartoq, Søren Rendal oqarpoq.

- Aappaatigulli timmisartuutileqatigiiffimmik nunani allaneersumik imaaliinnarluta atuilersinnaanngilagut, Air Greenlandimi Namminersornerullutik Oqartuissanit pigineqarpoq, Søren Rendal oqarpoq.

Qaammat una aallartilaartoq Air Greenlandip napparsimasunik timmisartuussisini pitsanngoriartippaa, timmisartoq suluusalik napparsimasunik angallassisussaq angalalersillugu. Timmisartoq Amaalik napparsimasunik ingerlatsisinnani naliginnaasumik ilaasussanut aamma ingerlatsinermut atorneqarsinnaasoq oqaatigineqarpoq.