Napparsimasoq Sanamit ikiorumaneqanngilaq
Arnaq Kulusummi najugalik Dronning Ingridip Napparsimavissuanit ikiorumaneqanngilaq. Nuummi najugaqannginnera nappaammik misissuiumannginnermut tunngavigineqarpoq.
Allattoq Louise M. Kleemann
- Taamatut nakorsiaraluarluni itigartitaalluni nuanninngilaq, taama oqarpoq kulusummiu, Karline Maratse, seeqquminik immattoortarnini pissutigalugu Nuummiinnini iluatsillugu Dronning Ingridip Napparsimmavissuanut nakorsiaraluarami itigartitaasoq.
Karline Maratsip uiata, Pele Maratsip, nuliami nakorsamit pineqarnera aamma toqqissisimanngissutigaa, nuliamilu misissortinneqarnissaa uteruni sulissutiginiarpaa.
- Nuliama taamatut pineqarnera nuanniitsorujussuuvoq, aamma nalunnginnatsigu seeqqukkut pullattoortarneq kræftinnguussinnaasoq, taammaattumik aarlerinarpoq. Pele Maratsi, Kulusummiu, taama oqarpoq.