Nappaassuaq pest Kinami atuutilerpoq
Kinami pestimik nappaassuaqalerpoq. Inuit pingasut puammikkut pesteqarlutik toqupput. Kinallu kippasissuani illoqarfimmi Ziketanimi innuttaasut tamarmik mattussaapput. Inuit qulit aamma tunillanneqarsimasut, Danmarkip Radioata nittartagaani atuarneqarsinnaavoq.
aggustip 04-at 2009 08:09
Pisiniarfiit oqartussaasunit matoorarneqarput, angerlarsimaffiit tunillannartuiagaapput inuillu kiinnamut assiaqutissanik tuniorarneqarlutik. Politiit napparsimmavinni ineeqqat qimaqqusaanngitsut alaatsinaappaat, illoqarfillu qimaqqusaanngilaq. Innuttaasut 10.000-it annilaaqqasorujussuupput, illoqarfinnilu aqquserngit sunnguamilluunniit inoqanngillat.
Nappaassuaq puanniittarpoq, inummiillu inummut tuniluuttarluni. Inuit Ziketanimiissimasut, quersorunik kissarneqarlutilluunniit, nakorsiarnissaat oqartussaasut kaammattorpaat.
