Nappaammik " Savalimmiormiut nappaataat"nik nappaateqartut amerlapput

Allattoq Jaaku Lyberth
maajip 10-at 2007 15:20

Savalimmiormiut 20-iugaangata inuup ataatsip timaaniittarpoq nappaat ulorianaateqarluinnartoq, Savalimmiormiut Nappaataat, taamaattumillu siunissami savalimmiormiut meerartaat inunngortarumaartussat nappaat ulorianaateqarluin-nartoq pingereerlugu inunngortartussaapput. Taama ritzau-imiit allattoqarpoq.

Savalimmiormiut aappariit marluk, taamatut nappaammik pigisaqareerlutik meerartaarunik,

Meerartaavat 25 %-mik Savalimmiormiut Nappaataannik nappaateqarnissaminut qaninnerusarpoq.

- Nappaammik taassuminnga pigisaqareersut amerla-qimmata, ilimagisariaqarparput meeqqat nappaammik Savalimmiormiut Nappaataannik pigisaqareerlutik inunngortartut amerliartuinnassasut. Savalimmiormiut Nappaattaannik nappaateqanngitsumik meerartaar-nissamut periarfissatuaq takusinnaasara tassaavoq;

Aappariit meerartaarnialinnginnerminni taamatut naappaateqarsinnaanertik pillugu misissorteqqaarta-riaqartassasut; taama oqarpoq; meeqqat nakorsaat, Ulrikke Steuerwald, ukiorpassuarni nappaammik taassuminnga malittarinnilluni paasiniaasarsimasoq.

Meeqqat “Savalimmiormiut Nappaataannik” nappaatillit nukilaattuupput. Tusilartuullutik imaluunniit tusaasaqanngitsuusarlutik avatiminnillu aalatitsiniarnertik ajornartorsiutigisarlugu. Meeqqat ukiut 9-it agguaqatigiisillugu inuusarput.

Ilisimatuut paasisimavaat, “Savalimmiormiut Nappaataat” 1600-kkunniilli angummik ataatsimik nappaatigineqarluni maannakkut kinguariinni kingornuttanganngorsimasoq.