Assi: Nauja Møller

Napatitsinermut siuariartortitsinissamullu pilersaarut ataannassava?

Napatitsinermut siuariartortitsinissamullu pilersaarut, aningaasaqarnermut naalakkersuisuusimasumit, Randi Vestergaard Evaldsenimit suliarineqartoq, ataannassava, immaqaluunniit nutaamik nalerisakkamik pilersaarusiussappat?

Naalakkersuisooqatigiit isumaqatigiissutaanni apeqquterujussuusoq, Aningaasaqarnermut Siunnersuisoqatigiit siulittaasuat Torben M. Andersen isumaqarpoq.

- Pissusissamisoorpormi naalakkersuisooqatigiinnissamik isumaqatigiissummi tulleriiarinissami anguniagaqarnissaq kissaateqarnissarlu, akerlianilli aamma aningaasaqarnermi piviusut eqqarsaatigineqartariaqarput, Aningaasaqarnermut Siunnersuisoqatigiit siulittaasuat, Aarhusillu universitetiani aningaasanik aqutsinermi professori, Torben M. Andersen Naalakkersuisooqatigiit nutaat aningaasaqarnermut politikkiat pillugu taama oqarpoq.

Naalakkersuisut Napatitsinermut siuariartortitsinissamullu pilersaarutaat ataatsimut isigigaanni iluarsaaqqinnissanik sisamanik imaqarpoq.

Inuiaqataasut ilinniagaqarsimasusiat qaffassarneqassaaq. Siuariartorneq sukkatsisarneqassaaq arlalinnillu sammivilimmik aningaasaqarnermut allanngortitsinneqassalluni. Pisortat ingerlataqarfiat nutarterneqassaaq. Taavalu Atugarissaarnermi pisartagarisat siunissamut qulakkeerneqassalutik.

- Pisortani aningaasartuutit sukangasumik aqunneqarnissaat Napatitsinermut siuariartortitsinissamullu pilersaarummi pingaaruteqarluinnarpoq, oqartoqarsinnaavorlu Napatitsinermut siuariartortitsinissamullu pilersaarut Naalakkersuisooqatigiinnissamut isumaqatigiissummut sanilliullugu qanoq paasineqassanersoq erseqqareqqissaanngimmat, Torben M. Andersen taama oqarpoq, taamaammallu aperaaq:

Napatitsinermut siuariartortitsinissamullu pilersaarut suli atava,  immaqaluunniit nutaamik nalerisakkamik pilersaarusiussappat?Maanna najoqqutassiunneqartumi taanna apeqquterujussuit ilagivaat,Torben M. Andersen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat